Beinvegni tier il chor d’affons Sumvitg!
Nus cantein, riein, semuentein e vivin cuminonza. Sur 70 affons e giuvenils scuvieran jamna per jamna il plascher da cantar, sviluppeschan lur vuschs ed emprendan tgei che la musica po crear, sch’ins conta ensemen.
Sin tribuna, duront las emprovas ni sin viadi – il chor d’affons Sumvitg ei bia dapli ch’in chor d’affons. El ei in liug plein entusiassem, amitgs e muments musicals che restan el cor.
Sche ti audas nus, sas ti: cheu dat ei energia, legria e bia passiun.
Ob klein oder gross – bei uns zählt jede Stimme. Gemeinsam schaffen wir Erinnerungen, die weit über die Musik hinausgehen.
Beinvegni tier il chor d’affons Sumvitg!
Novitads
2500 francs per nies chor
Nus astgain selegrar d’ina renconuschientscha speciala: La Migros Glion sustegn nies chor cun 2500 francs. Cun quella contribuziun undrescha la Migros igl engaschi dil chor d’affons Sumvitg e sia contribuziun preziusa alla veta culturala.
La renconuschientscha fa grond plascher ed ei el medem mument in bi segn per tut quels che s’engaschan per nies chor. Nus selegrein da saver duvrar quels daners per realisar era vinavon bialas experientschas e projects musicals.
