Venderdis sera ils 16 da mars 2018 ha ei dau visetas dalla SRG.R duront l’emprova dil Chor d’affons Sumvitg. Oscar Knapp (president), Donat Nay (suprastont), Gion Lechmann (suprastont) e Sandra Carisch (secretaria) dalla SRG.R han vuliu far persunalmein la supresa al chor. Aschia ein els extra vegni a Sumvitg per raquintar che la SRG.R surdat il premi SRG.R 2018 al Chor d’affons Sumvitg. Sco Oscar Knapp ha raquintau ein els sedecidi da surdar il premi al Chor d’affons Sumvitg pervia dil grond engaschi dallas cantaduras ed ils cantdurs. Els han plascher che tontas giuvnas e giuvens han tschaffen da cantar.
Sper ils affons ha secapescha era la suprastonza giu grond plascher. Il premi dotaus cun 8000 francs ei in bien agid per saver porscher vinavon la pusseivladad als affons da saver far part al chor. In grond engraziament per quella renconuschientscha!
La surdada ufficiala dil premi ei ils 26 da matg a Landquart a caschun dalla radunonza generala dalla SRG.R.
Schreibe den ersten Kommentar